侧田狂飙高音都包尾出局 林忆莲打入三甲 否认心颖女追男 马明:系我约佢出街!
每日歌曲
今日快报
惊传秘婚 乐基儿被指系小三
模特儿乐基儿2008年与天王黎明结婚,可惜只维持四年便离婚收场。感情生活一直备受关注的乐基儿,在社交网上载了一张自拍性感照,结果引来网民留言。当中有一位网民疯狂留言洗版,当中涉及一些侮辱性的字眼,指乐基儿与男友Ian在新加坡秘婚兼是小三,更指男方感情複杂,甚至指乐基儿婚后搬到男方家中,但不让她的猫儿同行,要她将猫运带返美国。该网民还提供一个社交网户口,入面见到数张乐基儿与男友的合照。
乐基儿接受媒体访问,她说:「呢个人长期喺IG闹我,但有时佢又表现得好锺意我,如果Block咗佢,佢又会另开新帐户再闹,其实我都唔知佢系男定女。(你点知系同一个人?)因为佢重覆又重覆讲同一样嘢。(你系咪喺新加坡结婚?)当然唔系,冇去新加坡起码十年。」
侧田狂飙高音都包尾出局 林忆莲打入三甲
侧田在前晚播出的内地歌唱节目《歌手》中,以「挑战歌手」身份首度登场。他选唱成名作《命硬》并重新编曲,为迎合内地听众口味,更狂飙高音,飙到手都震晒。投入演唱的他,更七情上面,时而陶醉、时而狰狞,表情效果绝对可以成为新一批「潜力图」!同为参赛者的天后林忆莲及萧敬腾,亦在现场睇到皱晒眉,又指侧田唱得好激动。
此外,有内地网民已率先大爆下集节目赛果,有指演唱《盛夏光年》的忆莲顺利打入三甲。而侧田将演绎自己的歌《很想很想说再见》,不过就包尾,综合两集成绩最终被淘汰!
自封「鹿鼎记五美」 网民讚零走样
艺人梁小冰人缘相当之好,不时都会相约啲好朋友出嚟聚下旧,仲会放相同大家分享,今次仲搵嚟一班大家可能遗忘咗,亦可能好熟悉嘅幕前朋友出嚟晒太阳,当中就有陈少霞、刘玉翠、陈安琪、和冯晓文。梁小冰仲留言:「阳光明媚的日子,鹿鼎记五美,跑出来晒一晒飞起来......」其实佢哋都系喺1998年TVB部电视剧《鹿鼎记》饰演韦小宝嘅老婆嚟㗎,全部又真系无乜点变,网民大讚保养得好好喎。
星梦捧郑俊弘 许廷铿铺路自组工作室
许廷铿(Alfred)出席活动,刚和胡鸿钧等朋友到欧洲旅游两个星期返港的他,对于电台DJ梁泰来透露他已签了国际唱片公司,他说:「我喺旅行期间,有记者朋友打嚟问我,梗系冇呢件事啦,?晒头,唔知点解佢咁讲,同星梦合约仲有一段时间。」但他不肯透露合约有几长。他又透露打算自己成立音乐工作室,但否认为新动向而铺路,他说:「只系开band房咁,搞我嘅音乐,我都算迟起步。」
有传星梦开出为他举行红馆个唱为续约条件,但他去意已决,唱片公司改力捧郑俊弘(Fred)?他说:「公司好笃信风水命理,或者我条命利冬天,依家先冒出嚟,夏天就到fred,公司一向都有同我倾开骚,但冇讲场地,呢个亦唔系咩续约条件,一路都有同公司倾紧合约。(想要咩条件先留低?)我唔知,唔识讲。」他又指唱歌是寓工作于娱乐,是圆他童年梦想,牙医就较搵到钱。
否认心颖女追男 马明:系我约佢出街!
艺人马国明与朱千雪到尖沙咀街头出席宣传活动。近日与黄心颖关系逐渐浮面的马明,日前获女方「确定关系」,当着记者面前大讚他「乖仔、闷有闷好」,又直认得马明一个男生正在了解中。
马明听到记者转述,即笑着回应:「咁犀利?佢冇同我讲,真定假?了解下先啦。(狂讚你。)咁开心?有人讚都开心嘅。(话得你一个?)我都唔会同时间约好多女仔嘅,不过我冇收到生日礼物喎。(你生日饭局都冇预佢,携眷出席嘛。)冇咁快啦,都话了解下先,但暂时未有再约,大家都忙,好怕再讲,会被追问几时结婚。」
虽然马明未有认爱,但提到「女追男」,他即man爆谓:「最唔锺意呢样嘢,点解要讲到女仔主动?我约佢,而且唔系第一次就得,约咗两、三次㗎,要睇下得唔得閒。(觉得心颖点?)佢系个几爽嘅人,唔会扭扭拧拧。」
当被问到换车载心颖,马明直言暂未接载过对方。对于被指「悭住换车」,他坦言:「我爸爸唔系好有钱,我嘅野要靠自己。我觉得系宝物沉归底,我宁愿畀人话悭,都好过畀人话做水鱼,我买楼都系趁楼市回落嘅,况且架车边有咁快转新款?最快都要3年啦!」
对于取车当日被狂拍照,马明即呼吁记者:「换车系方便爸爸上落嘅,以前架车高身啲。嗰日我妈妈同姐姐唔想上镜,一条街追住狂影,镁光灯系咁闪好辛苦,我又唔挡镜头,真系唔想再纠缠落去,希望大家帮帮手。即使(与心颖)去食饭睇戏,我哋都大方企定,呢个世界依家边有秘密呀?」
☞转载授权微信:lama129
☞ 商务QQ:1900556960
☞投稿邮箱:[email protected]