嫁咗？王敏奕晒合照改口嗌曾志伟做老爷

寻日系啱啱攞咗金像奖「最佳男配角」嘅曾志伟64岁生日，每年呢个时候，佢都会搞生日Party邀请一班朋友叙吓旧咁！除咗班圈中好友，身为志伟仔仔嘅曾国祥当然有出席啦，佢仲带埋「女友」王敏奕去！咦～咪住先！王敏奕呢日喺网上晒咗合照，仲嗌志伟做「老爷」，唔通已经做咗曾家新抱？

王敏奕喺Instagram上载咗张同志伟及曾国祥嘅3人合照，似足一家人咁，连佢都忍唔住留言：「我们的眼都笑成了一条线 ☺️14.04.2017 老爷生日快乐 ❤️」唔少网民都问佢「结婚了吗」，又不断恭喜佢！虽然好多人都会叫志伟做「老爷」，但对于王敏奕嚟讲系有特别意思，唔可以随便嗌嘛，所以喺2年前佢就话只会叫志伟做「Uncle」嘅，但今次突然升呢改口叫「老爷」喎，睇嚟呢位「新抱仔」都ready嫁入曾家喇！

舞台剧巡演倒数　杨怡黎燕珊扮观众睇骚

由杨怡、黎燕珊、万绮雯及梁琤等合作的舞台剧《我和春天有个约会》，昨晚在上海美琪大剧院展开巡演第25场上海站，尚有下周两场深圳站便圆满落幕，由于合作3个多月来，台前幕后演员和工作人员犹如大家庭，尤其4姊妹台上台后都感情融洽，她们对倒数尚有4场演出，均开始感到依依不舍。杨怡和黎燕珊更趁未开场前，走到台前做观众，感受一下台前睇骚滋味。杨怡在广州一站更有老公谦仔（罗仲谦）在后台为老婆打气，被形容为「最幸福的姚小蝶」。

至于黎燕珊亦表示虽然演了这么多场，感觉依然新鲜，因为每场台下观众笑声、掌声，都是给台上每位演员的努力，她非常享受做金露露，而最后两场的深圳站，一班好友及仔女都预告会拉队到场支持，令她感动。

胡鸿钧做男二好劲张　赞马国明照顾后辈

艺人胡鸿钧接受电台访问，提到他在剧集《降魔的》担任第二男主角，他坦言当刻非常紧张：「会有兴奋但好快变担心，但既然机会嚟到就做好佢，冇得再犹豫。」又指幸好在剧中与马国明的对手戏最多：「佢好照顾后辈，又会畀到好大信心我。」

问到这次拍摄的最大挑战？他说：「要吊威吔，都痛嘅，同埋要捱更抵夜，好彩自己都系夜晚活跃嘅人，我一朝早个脑系唔识得转㗎，都好彩大部分时间系夜晚拍摄。」至于音乐计划，他透露计划年尾出碟：「《情人自扰》之后嘅歌都会系啲我内心剖白嘅嘢，以前冇处理好嘅伤口都会处理番好。」

唔介意咀嘴！王君馨爆锡颈戏反而有难度

艺人王君馨（Grace）于昨晚播出的无线热播剧《心理追凶》里将与黄嘉乐饰演激咀床戏，君馨扮演的「海澄」一角于剧中得知老公想生BB的意愿，她虽想以事业为重，但最后亦就范，事后嘉乐表示拍摄当日主动要求加咀戏，原因是两夫妻拍床上戏若只锡颈会奇怪。

君馨受访时就笑言加咀戏冇问题，反而拍锡颈戏时却不禁笑场：「都有心理准备拍床戏，剧情合情合理。但我都系第一次被人锡颈，咀戏就拍过，但拍锡颈戏就有难度，因为我好怕痕，第一次拍时忍唔住爆笑。另外剧组想拍我冲完凉出嚟搽面霜，之后同老公亲热。所以为咗令成件事更真实，我嗰场我只系化好少妆，近乎冇化妆。」

辣妈郑希怡三点式晒长腿

人母郑希怡（Yumiko）2015年4月生咗囡囡「梁浸浸」，话咁快就已经两年！囡囡得意又搞鬼成日抢晒阿妈镜，今次Yumiko终于发威，撇甩个女去咗美国度假，今次佢仲晒埋三点式！Yumiko连日嚟都喺Instagram晒靓相，无女一身轻嘅佢又玩又食，过得劲写意！今日佢就再晒多一张三点式照，见到佢企咗喺一棵大树下，着上一套白色三点式戴埋顶Cap帽，微露事业线，Chok住叉腰影相，果然系辣妈！而佢条高腰白色泳裤好抢眼，凸显出佢对长腿，非常吸睛，真系矮啲都Carry唔到㗎！

☞转载授权微信：lama129

☞ 商务QQ：1900556960

☞投稿邮箱：[email protected]